Ba al zenekien atalean…seinaleztapen-kolore desberdinak daudela?

Seinale horietan koloreak oso garrantzitsuak dira eta gizaki gehienek kolore horiek ikusi orduko, oinarrizko alderdi batzuk identifikatzen dituzte.

Segurtasun-seinaleak forma geometrikoak eta koloreak konbinatuz sortzen dira eta haiei sinbolo bat gehitzen zaie. Horrela, esanahi zehatz bat hartzen dute. Seinale horietan koloreak oso garrantzitsuak dira eta gizaki gehienek kolore horiek ikusi orduko, oinarrizko alderdi batzuk identifikatzen dituzte. Horrela, gorria arriskuarekin, geldialdiekin edo debekuekin lotzen da; laranjak arrisku ertaina (ohartarazpenak) eta makinen zati arriskutsuak adierazten ditu; eta horiak kontuz ibiltzearekin du zerikusia. Adibidez, berdeak larrialdietako irteerak eta lehen sorospenak adierazten ditu eta segurtasuneko urdina, berriz, informazio-oharretan eta iragarki-tauletan da nagusi.