Bazenekien… Tximista baten energia leherketa nuklear batenarekin aldera daitekeela?

Ekaitzak bere trumoi eta tximistargi eta guzti liluratu egiten du gizakia.

Baina askok ez dakite fenomeno horiek boterea eta arriskua dutela berekin. Izan ere, tximista bi hodeiren artean edo laino batetik lurrera jauzten den txinparta elektrikoa besterik ez da, eta energia-kopurua handiak pilatzen ditu. Gigawatt 1eko (mila milioi watt) bat-bateko potentzia izatera iritsi daitezke. Gutxi gorabehera leherketa nuklear batekin aldera daiteke, eta, ezbairik gabe, hilgarria da gizaki bat harrapatuz gero.

Arrisku-maila oso handia du mendietan, baina zelaietan edo hondartzan ere bai, eta, batzuetan, erliebean nabarmentzen den puntu bakarra pertsona da. Punta batean erortzean, deskarga banatu eta lurrera jaisten da, lursailean adarkatzen diren korronteak osatuaz. Hori dela-eta, kasurik okerrena zuzeneko inpaktua jasotzea bada ere, oso arriskutsua da baita ere korronte horietako batzuen ibilbidean aurkitzea.