Merkealdia ez da amaitu, baina laneko arriskuen prebentzioan ezin da merkealdirik egon
Bizitza seguruak
Abuztuaren erdialdea da, eta merkealdia ez da amaitu dendetan eta merkataritza-establezimenduetan. Beti azaltzen da norbait azken orduan udako jantzi edo osagarriren bat merkeago erostera.
Baina, merkealdia izan arren, laneko arriskuen prebentzioan ez dago halakorik. Inoiz ezin dugu egin merkealdirik laneko arriskuen prebentzioan; beti egon behar dugu adi, eta prebentzio-neurri guztiak aktibatuta izan, urtean zehar bezalaxe.
Izan ere, laneko arriskuak, laneko gaixotasunak edo lanari lotutako istripuak ez dira merkatzen urte-sasoi honetan. Saio honetan, langile asko oporretara joaten dira, eta ohikoa da langile gutxiago egotea edo ordezkoak etortzea. Halakoetan ere, informazio eta prestakuntza egokia eskaini behar zaie.
Hala ere, lanean jarraitzen dutenek ohiko lan-ingurunean dituzten segurtasun- eta osasun-baldintza berberak izan behar dituzte. Hori dela eta, beti egon behar dugu adi laneko arriskuen prebentzioan, eta ezin dugu lasaitu.
Gainera, hilabete honetan, lana gutxitu egiten denez, enpresa batzuek produkzioa eteten dute, eta mantentze-lan industrialak egin. Enpresa horietako laneko arriskuen prebentzioko arduradunek ondo planifikatuta izan behar dituzte mantentze-lanak eta -proiektuak, enpresaren jarduerak arriskurik gabe koordinatu ahal izateko, eta ezarritako prebentzio-neurrien eta ezbeharra izanez gero aplikatu beharreko larrialdietako planen berri eman behar dute.
Litekeena da, baita ere, sasoi honetan lantokietan lan gehiago egitea aldi berean. Hori dela eta, kontuan izan behar da denboran eta espazioan lanen artean interakzioa egoteak agian arriskuak handituko dituela.
Ezinbestekoa da azpikontratatutako enpresetako zuzendariek eta laneko arriskuen prebentzioko arduradunek zerbitzuak eman aurretik, bitartean eta ondoren planifikatzea beren lana, baita arriskuen berri ematea eta arriskua desagerrarazteko edo ahalik eta gehien txikitzeko hartuko diren neurriak ezagutaraztea ere.
Bestalde, udan, laneko arriskuen prebentzioak beste arrisku bat du: tenperatura altuak, beroa eta eguzkiarekiko esposizioa. Langile askok egin behar izaten dute lan udan eguzkipean: lorezainak, eraikuntzako langileak, sorosleak, nekazariak, errepideko langileak, etab.
Aire zabalean lan egitearen arriskuak areagotu egiten dira udan, eta laneko arriskuen prebentzioak aurrea hartu behar die, eta ondo ebaluatu behar ditu, bero-kolpeak, eguzki-erredurak, intsektu-ziztadak, alergiak… saihesteko eta kontu handiz jokatu garai aurretik ez zahartzeko. Ez bakarrik min ematen dutelako, baizik eta ondorio larriak izan ditzaketelako; esaterako, oso goitik erortzea.
Hortaz, badakizu: udan, ez merkatu segurtasun- eta prebentzio-neurriak. Laneko arriskuen prebentzioak ez du oporrik, ezta merkealdirik ere. Egon adi eta erne arriskuei, bai baitago etorkizuna.
prebentzioa