Zamak eskuz manipulatzea, zeintzuk dira gomendatutako gehienezko pisuak?

Zamak eskuz manipulatzea sektore anitzetan ohiko zeregina da, osasun sektoretik nekazaritza sektorera arte, baita eraikuntza eta zerbitzuena ere, besteak beste. Baita garraiorako baliabide mekanikoak dituzten enpresek ere gizakien esfortzua behar dute objekturen bat mugitzeko.

Zamak eskuz manipulatzea sektore anitzetan ohiko zeregina da, osasun sektoretik nekazaritza sektorera arte, baita eraikuntza eta zerbitzuena ere, besteak beste. Baita garraiorako baliabide mekanikoak dituzten enpresek ere gizakien esfortzua behar dute objekturen bat mugitzeko. Hori bai, arriskutsua da, pisuak altxatzea ez baita jolas bat. Funtsezkoa da manipulazio lanak baldintza egokietan egitea, eta kasu bakoitzean hartu beharreko pisua kontuan hartuz, lesiorik, erorketarik edo kolperik izan ez dadin.

Lan Arriskuen Prebentzioari buruzko Legeak honela definitzen du zamen eskuzko manipulazioa: langile batek edo batek baino gehiagok burutzen duen edozein garraio eragiketa edo zama euste lana, besteak beste: zamak altxatzea, ipintzea, bultzatzea, mugitzea edo lekuz aldatzea, okerreko ezaugarri edo baldintza ergonomikoak direla eta, zehazki, bizkarraldekoak eta lunbarrak langileentzat arriskutsuak direnak.

Zamak ezin direnean eskuz manipulatu, saiatuko da horiek enborretik gertu manipulatzea (inoiz lur mailan edo sorbaldetatik gora), bizkarra zuzen, biratzea edo makurtzea saihestuz, eta komenigarria da zamak poliki eta tarteka altxatzea.

Oso garrantzitsua da egunero zamak manipulatu behar dituzten langileek, zamak eskuz manipulatzeko gomendatutako gehienezko pisuak kontuan hartuta egitea.

• Gehienez 15 kg babes handiago behar duten langileentzat (gazteak, adinekoak, emakumeak, etab.) eta gehienez 25 kg aurreko taldetan sartzen ez den langilearentzat, gehienezko 25 kilotik gora egitea salbuespentzat joko da. Inguruabar berezietan bakarrik gehienez 40 kiloko zamak hartu ahal izango dira, bakarrik entrenatutako langileentzat.
• Eserita badago, gehienezko pisua 5 kg
• Zamak manipulatzeko laguntza mekanikoak erabiltzea ahal den guztietan. Arriskua sor daiteke, zamak 25 kilo baino gehiagokoak direnean edo, baldintzak okerrekoak ez direnean, 3 kg baino gehiago.
• Zamak taldeka manipulatzen direnean kontuan hartu behar da bi pertsonek batera altxatu dezaketen gehienezko pisua dela bakoitzak, bere aldetik, altxatu ditzaketen gehienezko pisu guztien 2/3. Taldea 3 kidekoa denean, gehienez atxatu dezaketen pisua bakoitzaren ahalmenen batuketaren erdia da.

Ezer baino lehen, arriskua hauteman eta kontuz ibili. Prebentzio eta norberaren babes neurriak ezagutzea funtsezkoa da enpresaren barruan prebentzio kultura zuzena garatzeko.