Norberaren buruarekin eta besteekin zintzoa izatea garatu dezakegun ohitura osasungarrienetariko bat da eta, hortaz, baita seguruena ere. Zintzoa izateak eta geure burua zinez zintzotasunaren ikuspegiaren arabera aztertzeak nortzuk garen, nola jarduten dugun jakiteko aukera emango digu. Hura lan eremuari aplikatzen badiogu, gure lana ahalik eta modurik hoberenean eta seguruenean egiten ari garen ala ez jakin ahal izango dugu.
Geure buruari gezurrik esaten eta ziria sartzen ez badiogu, segurtasunezko ustezko sentsazioekin eta gehiegizko konfiantzarekin egiten ari garen akatsak atzeman ahal izango ditugu eta horiek zuzentzeko garaiz egongo gara, gure lana erabateko segurtasunez garatu ahal izateko.
Zintzoak izan gaitezen, dena ez dugu beti egin beharko genukeen bezala egiten. Utz dezagun subjektibotasuna alde batera eta egi osoari aurre egin diezaiogun, hura latza bada ere. Arazoa garaiz onartzen badugu soilik konponbidea eman ahal izango diogu. Behar genuke bezala jarduten ari gara? Erabili behar ditugun segurtasun neurri guztiak martxan jartzen ditugu? Segurtasun materiala zuzen erabiltzen dugu? Zenbait unetan izan beharko genukeen bezain erantzuleak gara? Segurtasun betaurrekoak edo eskularruak janzten ditugu beti? Uneoro segurtasun mosketoiari eusten diogu, altuera handian garatuko dugun lana oso txikia eta erraza izan arren? Geure buruari galdera horiek guztiak zintzotasunez eta benetan erantzuten badizkiogu, eta baita beste galdera batzuk ere, besteengandik bereiziko gara. Aurre egin beharreko arriskuez benetan jabetuko gara, askotan ez baikara horietaz jabetzen.
Bestalde, lankideekin izan beharko ginatekeen bezain zintzoak al gara? Askotan, ez dugu esaten besteengandik benetan pentsatzen duguna, horiek haserretzearen edo aztoratzearen beldurrez. Baina, kontuan hartu behar dugu lan esparruan zintzoa izatea funtsezkoa dela. Alegia, lankide bat gauzak behar bezala egiten ari ez dela konturatzen bagara, berarekin zintzoak izan behar gara eta esan behar diogu, bere segurtasun propioa eta batzuetan enpresa guztiarena bere lana egoki egitearen eta besteak aurreikusi daitekeen arrisku baten eraginpean ez jartzearen menpe baitago.
Batzuetan deserosoa eta zaila izango da egia esatea zein entzutea, baina ohitura hori lantzen ikasi behar dugu, gure egunerokotasunean sartu arte eta zintzotasuna barneratu arte, horretaz jabetu gabe baliatzera iritsi arte. Epe ertainean, bere onurak ezin hobeak izango dira eta hari esker zentratuagoak, seguruagoak eta lan giro egonkorrarekin lan egin ahal izango dugu.
ohitura seguruak zintzotasuna