Ba al zenekien zure lan-eremuko osasun digitalaren egoera ezagutu dezakezula DigitaLani esker?

Mundu modernoan, teknologia gure egunerokotasunaren  parte da. Jada aipatu dugu LAPen teknologiak askotan lagun diezagukeela, arriskuak identifikatzeko, prestakuntza hobetzeko eta segurtasuna optimizatzeko aukera ematen baitu. Orain, gure ongizatearen alderdi erabakigarri berri bat neurtzen ere lagun diezaguke: gure osasun digitala. Izan ere, ingurune digitalarekin, arrisku berriak sortu dira, eta enpresak eta langileak horiek behar bezala kudeatzeko moduari buruz sentsibilizatu behar dira.

Mundu modernoan, teknologia gure egunerokotasunaren  parte da. Jada aipatu dugu LAPen teknologiak askotan lagun diezagukeela, arriskuak identifikatzeko, prestakuntza hobetzeko eta segurtasuna optimizatzeko aukera ematen baitu. Orain, gure ongizatearen alderdi erabakigarri berri bat neurtzen ere lagun diezaguke: gure osasun digitala. Izan ere, ingurune digitalarekin, arrisku berriak sortu dira, eta enpresak eta langileak horiek behar bezala kudeatzeko moduari buruz sentsibilizatu behar dira.

Osasun digitalarekiko kezka hori medio DigitaLan tresna sortu da, OSALANek aurkeztua. Hain zuzen ere, baliabide berritzailea da, teknologia berriek gure lan-baldintzetan eta, ondorioz, gure osasunean nola eragiten duten ebaluatzeko.

Digitalan kalkulagailua: neurtu zure osasun digitala lanean kanpaina Laneko Segurtasun eta Osasunerako Europako Agentziak abian jarritako sentsibilizazio-ekimenean kokatzen da. Ahalegin horren helburua da teknologia digitalen erabilerak lan-ingurunean planteatzen dituen erronken gaineko kontzientzia sortzea, arrisku-faktore espezifikoak identifikatuz; horien artean: hiperkonexioa, etengabeko monitorizazioa, ikusezintasuna eta isolamendu soziala, osasun mentalean eta emozionalean eragin negatiboa izan baitezakete.

Tresnari esker, erabiltzaileek laneko konexio digitalaren mailari buruzko galdetegi labur bat bete dezakete, eta, horrela, osasun digitalari buruzko analisi pertsonalizatua sortuko da. Erantzunak kontuan hartuta, DigitaLanek gomendioak eskaintzen ditu lanaren eta teknologia berrien arteko harremana hobetzeko, ondorio kaltegarriak saihesteko prebentzioak duen garrantzia nabarmentzearekin batera.

Langileentzat, DigitaLan aukera bat da haien ohitura digitalei eta horiek haien ongizatean izan dezaketen inpaktuari buruz hausnartzeko. Aplikazioak, beste aholku batzuen artean, gomendatzen du enpresaren osasun digitalari buruzko informazioa eskatzea, lan-bizitzaren eta bizitza pertsonalaren artean muga argiak ezartzea, mezularitza-zerbitzu korporatiboen eta zerbitzu pertsonalen erabilera bereiztea edo lan-ordutegitik kanpo jakinarazpenak desaktibatzea.

Baina tresna horrek langileak ahalduntzeaz gain (osasun digitalari buruzko informazioa emateagatik), enpresei arriskuak ebaluatzeko eta beharrezko prebentzio-neurriak aplikatzeko esparru bat ematen die. Digitalani esker, enpresek jakin dezakete era horretako arriskuak nola ebaluatu edo ingurune digital osasungarria sortzeko beharrezkoak diren prebentzio-neurriak nola ezarri. Besteak beste, deskonexio digitaleko planak ezartzeko eta langileen osasunari lehentasuna emango dion giroa sustatzeko erantzukizuna bere gain hartzea gomendatzen du. Horren barruan sartzen dira, adibidez, mezuak lanorduetatik kanpo ez bidaltzea eta eten digitala gainditzeko prestakuntza ematea.

Digitalan kalkulagailua funtsezko tresna bat da lan-ingurune osasungarriagoa eta orekatuagoa lortzeko arlo digitalean. Tresna horri esker, langileek zein enpresek esku har dezakete osasuna eta ongizatea lehentasunezkoak izatea bermatzeko. Sar zaitez Digitalan kalkulagailura eta zure hasi zure laneko osasun digitala neurtzen!