Ba al zenekien Osasunaren Zaintza oso garrantzitsua dela laneko arriskuen prebentzioan?

Osasunaren zaintza (LOZ) oso garrantzitsua da laneko arriskuen prebentzioaren barruan, baina, askotan, ez da jakiten LOZek zer biltzen eta zer suposatzen duen. Ezjakintasun horren ondorioz, horri buruzko pertzepzio alfer eta osatugabea izan ohi dugu soilik, eta uste dugu azterketa mediko orokorrak egitearekin, langileen osasuna behar bezala zaintzen dela.

Osasunaren zaintza oso garrantzitsua da laneko arriskuen prebentzioaren barruan, baina, askotan, ez da jakiten LOZek zer biltzen eta zer suposatzen duen. Ezjakintasun horren ondorioz, horri buruzko pertzepzio alfer eta osatugabea izan ohi dugu soilik, eta uste dugu azterketa mediko orokorrak egitearekin, langileen osasuna behar bezala zaintzen dela.

Baina LOZ funtsezkoa da garaiz jardun ahal izateko eta langileen osasuna beren lanpostuko lan-arriskuek ahultzea saihesteko. Langile bakoitza zaindu eta haien segimendua egin behar du, lan-jarduerarekin lotuta dauden arrisku espezifiko horiek kontrolatzeko eta kaltetzea saihesteko.

LOZ eraginkor batek arriskuak zaintzeko eta arrastoan mantendu ahal izateko egin behar duen lehen gauza da  arriskuak identifikatzea eta zehatz-mehatz ezagutzea. Lan-mota horrek izan ditzakeen arrisku espezifiko eta zehatzei aurre egiteaz gain, zaindu egin beharko ditu modu fokalizatuan eta orokortu gabe.

Ez dira osasun-azterketa orokorrak egin behar, baizik eta jarduera-mota horrek langileen osasunean izan ditzakeen ondorioak aztertu, ikertu eta kontrolatu behar dira, arazo edo kalteren bat egon daitekeen bakoitzean hori detektatu eta beharrezko neurri guztiak aplikatuz tratatu eta arindu ahal izan dadin.

Lanpostu jakin hori betetzen duten eta jarduera horiek egiten dituzten langileen osasunean eragina izan dezaketen arrisku higienikoak, ergonomikoak eta psikosozialak ezagutu behar ditu. Modu horretan, arazoak garaiz detektatu eta ahalik eta azkarren zerbait egin ahal izango du.

Horrela, Osasunaren Zaintzaren egitekoa izango da, baita ere, langileen artean agertzen diren gaixotasun berriak kolektibo berarekin lotuta egon daitezkeen eta egiten duten lan-motatik datozen ikertzea. Era berean, kontrolatu eta egiaztatu behar du aplikatutako prebentzio-neurriak benetan eraginkorrak diren, langileen osasuna ez kaltetzeko edota aldaketak eta hobekuntzak egiteko.

Horrez gain, prebentzio-planeko akatsak goiz identifikatu behar ditu, osasunean atzera bueltarik ez duten kalteak zabal ez daitezen.

Hala ere, arriskuak ebaluatzerakoan lanpostuak zehazten edo doitzen ez direnez, zaintza hori egiten duten osasun-profesionalek batzuetan ez dituzte langileen osasunean eragina izan dezaketen arrisku higienikoak, ergonomikoak eta psikosozialak ezagutzen.

Beraz, arazoak detektatzeko eta lan-baldintzak hobetzeko, funtsezkoa da prebentzio-zerbitzuetako arlo teknikoaren eta osasun-arloaren arteko koordinazioa sustatzea, eta, era berean, arrisku-ebaluazioen espezifikotasuna hobetzea, arriskuak identifikatzeko oinarrizko tresna baita, ondoren horiek behar bezala zaindu ahal izatearren.