Gabonetako dekorazioa: denak ez du balio Eguberriak seguruak izatea bermatzeko

Gabonak alaitasunaren, argien eta dekorazio-sormenaren sinonimoa dira, baina nahigaberen bat ere izan daiteke gure etxeetan Gabonetako dekorazioa jartzerakoan beharrezko neurriak hartzen ez badira. Girlandek, Gabonetako zuhaitzek eta apaingarriek magiaz betetzen dituzte gure etxeak, baina horiek jartzerakoan edo modu desegokian erabiltzen badira, istripuak gerta daitezke, suteetatik hasi eta lesio pertsonaletaraino. Hori dela-eta, funtsezkoa da gogoratzea denak ez duela balio Eguberri-egun seguruak bermatu behar direnean.

Gabonak alaitasunaren, argien eta dekorazio-sormenaren sinonimoa dira, baina nahigaberen bat ere izan daiteke gure etxeetan Gabonetako dekorazioa jartzerakoan beharrezko neurriak hartzen ez badira. Girlandek, Gabonetako zuhaitzek eta apaingarriek magiaz betetzen dituzte gure etxeak, baina horiek jartzerakoan edo modu desegokian erabiltzen badira, istripuak gerta daitezke, suteetatik hasi eta lesio pertsonaletaraino. Hori dela-eta, funtsezkoa da gogoratzea denak ez duela balio Eguberri-egun seguruak bermatu behar direnean.

Gabonetan, elementu enblematiko bat izatekotan, hori zuhaitza da. Izan naturala edota artifizialak, zuhaitzak nahitaez egon behar du Gabonetako gure dekorazioan. Zuhaitz naturala jartzea hautatu baduzu, egiaztatu fresko dagoela; horrela, zuhaitz lehor batek dakarren arriskua saihestuko duzu, sukoiagoa baita. Jar ezazu tximiniak, erradiadoreak edo berogailuak bezalako bero-iturrietatik urrun. Zuhaitz artifizialei dagokienean, aukeratu suaren kontrako materialez egindako eredu bat, segurtasun-arauak betetzen dituena.

Gabonetako argiak ere funtsezko beste osagai bat dira dekorazioan, baina gorabehera gehien eragiten dituzten elementuetako bat dira, arriskutsuak izan baitaitezke prebentzio-neurriak kontuan hartzen ez badira. Instalatu aurretik, kableak eta entxufeak higatuta edo kaltetuta ez daudela berrikusi behar da zehatz-mehatz, zirkuitulaburrik eragin ez dezaten. Erabili beti argi ziurtatuak eta ez kargatu gehiegi entxufeak hedadura anitzekin. Aukeratu LED argiak, aukera segurua eta eraginkorra baita, bero gutxiago sortzen eta energia gutxiago kontsumitzen dutelako. Gainera, gogoratu beti deskonektatzea lotara joan edo etxetik irten aurretik, zirkuitulaburrak eta balizko suteak prebenitzeko.

Halaber, garrantzitsua da kontuan izatea apaingarriak non jarri behar diren. Jarri objektu hauskorrak edo txikiak haurrek eta maskotek ez iristeko moduan, hautsi eta zauriak eragin edo ustekabean irentsi baititzakete. Ziurtatu esekita dauden girlandak, koroak eta dekorazioak ondo lotuta daudela, kolpeak edo zatiak eragin ditzaketen erorikoak saihesteko.

Kanpoko dekorazioei dagokienean, kontuan izan behar dira baldintza klimatikoak;  gainera,  edozein apaingarrik ez du balio kanpoan jartzeko. Dekorazioek egurats zabalari aurre egiteko diseinatuta egon behar dute berariaz, eta instalazioan material erresistenteak erabili behar dira; hala nola, kakoak edo kanpoalderako prestatutako kalitatezko kableak. Leku garaietan argiak edo apaingarriak jartzeko eskailerak erabili behar badituzu, ziurtatu egoera onean daudela eta gainazal egonkor baten gainean jarri dituzula.

Kandelak ere klasiko bat dira Gabonetako dekorazioan, baina oso kontuan izan behar da sutea eragiteko arrisku handia dutela. Kandelak erabiltzea erabaki baduzu, jarri gainazal irmo eta seguruetan, gortinak, oihalak edo papera bezalako material sukoietatik urrun. Inoiz ez dituzu piztuta utzi behar ikuskapenik gabe. Aukera seguruagoa da LED kandelak aukeratzea, antzeko estetika baitute, baina suarekin lotutako arriskurik gabe.

Gabonetako dekorazioa aukera bat da etxea edertzeko eta familian gozatzeko, baina beti segurtasuna lehenetsi behar da. Beharrezko prebentzio-neurriak hartzen eta material egokiak erabiltzen badituzu, beharrezkoak ez diren arriskurik gabeko jai-giroa sor daiteke. Izan ere, Gabonak ospatzeko garaia izan behar du eta ez damutzekoa.