Zergatik ez da komenigarria latex eskularruak sukaldean erabiltzea?

Hasieran, badirudi latex eskularruak sukaldean erabiltzea komenigarriena eta higienikoena omen dela, baina Kontsumo, Elikagai Segurtasuna eta Nutrizioko Espainiako Agentziak(AECOSAN), ez erabiltzea gomendatzen du, higiene eta segurtasun sentsazio faltsua ematen duelako, eta horren ondorioz, elikagaien manipulatzaileak prebentziozko hainbat jarduera baztertzen ditu, besteak beste, eskuak zuzen eta sarri garbitzea.

Hasieran, badirudi latex eskularruak sukaldean erabiltzea komenigarriena eta higienikoena omen dela, baina Kontsumo, Elikagai Segurtasuna eta Nutrizioko Espainiako Agentziak(AECOSAN), ez erabiltzea gomendatzen du, higiene eta segurtasun sentsazio faltsua ematen duelako, eta horren ondorioz, elikagaien manipulatzaileak prebentziozko hainbat jarduera baztertzen ditu, besteak beste, eskuak zuzen eta sarri garbitzea.

Elikagaiak prestatzeko eskularruak erabiltzen badira, ez gara konturatzen zenbat zikinkeria gelditzen den horietan. Uste dugu zuzen ari garela eta, nahi gabe, berritzea edo garbitzea bezalako ekintzak ahazten ditugu. Horren eraginez, arriskua larria sortzen da. Bestalde, ez da gauza bera gertatuko janaria eskuekin manipulatzen badugu, berehala zikina dagoela ohartzen garelako.

Horrez gain, adituek eskularruak erabiltzearen bestelako arriskuak zehaztu dituzte:

• Gurutzatutako kutsadura gune dira (besteak beste, mozteko taulekin gertatu daitekeen bezala) mikroorganismoak elikagai eta sukalde tresna desberdinen artean transferitu daitezkeelako.
• Eskularruen barruan sortzen den giro beroa eta hezea ezin hobea da mikrobioak ugaltzeko.
• Latexak nolabaiteko erreakzio edo alergia eragin ditzake kontsumitzaileen artean, baita elikagaiak prestatu ondoren ere. Larritasuna pertsonaren sentikortasunaren eta latexaren alergeno kopuruaren araberakoa izango da.

Zer erabili dezakegu eskularruen ordez? Eskuak erabiltzea eta garbitzea beharrezkoa den guztietan. Eta horiek erabiltzea ezinbestekoa bada langilearen larruazala babesteko,  ziurtatu behar dugu latexekoak ez direla.  Osasun Ministerioak  beste materialeko eskularruak erabiltzea gomendatzen du, esaterako, binilo edo nitrilokoak.  Horrez gain, koloretakoak izatea ere gomendatzen du, elikagaiarekin ez nahasteko, jarduera aldatzen den guztietan botatzea, eta jarri baino lehen erantzunak eta erlojuak kentzea eskularruak ez puskatzeko.

Orain, badaukagu argi latex eskularruak ez direla elikagaiak prestatzeko edo manipulatzeko egokiak. Eskuak sarritan garbitzea bezain erraza den zerbaitek erreakzio alergikoak izateaz babestuko gaitu eta gurutzatutako kutsadurarekiko arriskuak babestuko gaitu. Sukaldean, segurtasuna eta babesa geure esku dago (hobe eskularrurik gabe).