EZ esatea prebenitzea ere bada. Segurtasun-kanpaina – Istripu gehiagorik ez!

Gure mugetatik haratago bidaiatzen jarraitzen dugu, munduko beste leku batzuetan laneko segurtasuna eta prebentzioa sormen eta erritmoarekin nola sustatzen dituzten jakiteko. Gaur, ChileCodelcoren ikus-entzunezko kanpaina indartsu bat ekarriko dugu, laneko arriskuen inguruan kontzientziatzerakoan itzulinguruka ibiltzen ez dena.  

Gure mugetatik haratago bidaiatzen jarraitzen dugu, munduko beste leku batzuetan laneko segurtasuna eta prebentzioa sormen eta erritmoarekin nola sustatzen dituzten jakiteko. Gaur, ChileCodelcoren ikus-entzunezko kanpaina indartsu bat ekarriko dugu, laneko arriskuen inguruan kontzientziatzerakoan itzulinguruka ibiltzen ez dena.

Codelco Chile kobrea ekoizten duen estatu-enpresa handiena da, eta mezu argia eta zuzena du: “Istripu gehiagorik ez!”. Izan ere, EZ esatea prebenitzea ere bada. Eta are gehiago modu hain zirraragarri, emozional eta eraginkorrean esaten baduzu: bi bizitza paralelo konparatuz eta erabaki txar batek zure bizitza alda dezakeela erakutsiz.

Indarrez, dramatismoz eta konpromisoz betetako bideo original baten erritmoan, prebentzio-ekintzarako dei kolektiboa egiten da: lana segurua ez denean, gelditzeko deia, arrisku baten aurrean beste aldera ez begiratzeko deia. Eta, batez ere, zorrotza izatea eta EZ! esatea, edonoren osotasun fisikoa jokoan baldin badago.

Bideok gogorarazten digu deskuidu batek biziaz ordaintzea eragin dezakeela, gaizki erabilitako tresna batek ondorio itzulezinak izan ditzakeela eta segurtasuna ez dela negoziagarria. Baina oso garrantzitsua den zerbait ere azpimarratzen du: prebentzioarekiko konpromisoak kolektiboa izan behar duela, lehen lerroko langiletik hasi eta erakundeko liderretaraino. Guztiek dute historia aldatzeko, istripu bat saihesteko eta norberaren bizitza eta besteena zaintzeko ahalmena.

Bideoklip hau sentsibilizazioko eta prebentzioko barne-kanpaina baten barruan egin da, baina mezua enpresaren hormetatik haratago doa. Prebentzio-printzipioen adierazpen bat da, prebentzio-kultura egiteko modu bat ikus-entzunezkoetatik eta emozioetatik abiatuta.

Hemendik, era horretako ekimenak txalotzen ditugu, kontzientzia sortzeko, zuntzak jotzeko eta arrastoa uzteko ikus-entzunezko metodoak bezalako aukerak erabiltzen dituztenak. Mezu bat eragina badu, hobeto gogoratzen baita. Eta gogoratzen bada, biziak salba daitezke.

Bideo osoa ikustera eta hausnartzera gonbidatzen zaitugu:

Eta zu? EZETZ esaten ausartuko zinateke segurtasuna jokoan badago?