Arrisku emergenteak. Prebenitzeko aurre hartzea

Gaur egungo lan-mundua etengabe aldatzen ari da. Baina lanerako mekanika berriek eta tresna digitalen erabilerak, aukerak ekartzeaz gain, orain arte ezezagunak ziren arrisku berriak sor ditzakete. Izan ere, teknologiek aurrera egiten duten heinean, lanerako dinamikak aldatu eta enplegu-modu berriak agertzen dira, eta langileen segurtasunean eta osasunean eragina izan dezaketen erronka berriak ere sortzen dira. Etorkizunean, LSOa bermatzen jarraitu ahal izateko, beharrezkoa da arrisku emergente horiek aurrez ikustea eta jorratzea

Gaur egungo lan-mundua etengabe aldatzen ari da. Baina lanerako mekanika berriek eta tresna digitalen erabilerak, aukerak ekartzeaz gain, orain arte ezezagunak ziren arrisku berriak sor ditzakete. Izan ere, teknologiek aurrera egiten duten heinean, lanerako dinamikak aldatu eta enplegu-modu berriak agertzen dira, eta langileen segurtasunean eta osasunean eragina izan dezaketen erronka berriak ere sortzen dira. Etorkizunean, LSOa bermatzen jarraitu ahal izateko, beharrezkoa da arrisku emergente horiek aurrez ikustea eta jorratzea.

Laneko Segurtasun eta Osasunerako Europako Agentziaren (EU-OSHA) helburu nagusietako bat da arrisku emergente horiek identifikatzea eta aztertzea, ikertzaileek nahiz politiken arduradunek beharrezko informazioa izatea ziurtatzearekin batera, datu sinesgarri eta kalitate handikoekin, modu eraginkorrean jardun ahal izateko.

EU-OSHAren ikuspegietako bat da digitalizazioa, automatizazioa, adimen artifiziala eta urrutiko lana, besteak beste, gure lan-ingurunea nola aldatzen ari diren ebaluatzea. Izan ere, aldaketa horiek lan egiteko moduan eragina izateaz gain, langileen osasun mentalean eta fisikoan ere eragina izan dezakete.

EU-OSHAk burutzen dituen proiektuek, sortzen diren heinean arriskuak identifikatzeaz gain, laneko segurtasunean eragina izan dezaketen etorkizuneko arazoei aurre hartu nahi diete. Hori dela-eta, funtsezkoa da ikerketak eta azterketak egitea, egoera berri horiek eta horien inplikazioak hobeto ulertzen laguntzeko.

Arrisku emergenteak sakondu ahal izateko, ikerketa eta analisi espezializatu asko egin behar dira, LSOko adituen eta EB osoko politika-arduradunen artean eztabaida sortu dezaten, segurtasunaren eta osasunaren inguruan sortzen ari diren zailtasunei buruz. Hori dela-eta, eztabaida-dokumentuak, txostenak, laburpenak eta bistaratzeak egiten ditu Agentziak, politika-arduradun, gizarte-solaskide, ikertzaile eta lantokiko bitartekarientzat, beharrezko informazio eta tresna guztiak izan ditzaten.

Era horretan, erronka horiei modu eraginkorrean aurre egitearen inguruan adituen eta arduradunen artean etengabeko eztabaida bat sustatu nahi da. Helburua da sentsibilizazioa handitzea aldaketek segurtasunean eta osasunean nola eragin dezaketen ikusteko, eta etorkizuneko arazoen aurrean prebentzioa sustatzea, etorkizunean lan-ingurune seguruak eta osasungarriak izatea bermatzearren.

Horretarako, arrisku berriak ezagutzeaz gain, prebentzio-estrategiak garatu behar dira, testuinguru berri horretan langileak babesteko. Ikertzaileen, politika-arduradunen eta enplegatzaileen arteko lankidetza funtsezkoa izango da prebentzio-neurriak hartzen lagunduko duten politikak bermatzeko, lanaren etorkizuna guztiontzat segurua eta osasungarria izan dadin.