Enpresa, prebentzioa antolatzea zeure ardura da

Enpresa bakoitzak prebentzio planifikazioari modu desberdinean ekin egiten dio, prebentzio sistema propioak (barnekoak) ezartzen ditu edo kanpoko prebentzio zerbitzu espezializatuak kontratatzen ditu, edo bien arteko nahasketaren aldeko apustua egiten du.

Enpresa bakoitzak prebentzio planifikazioari modu desberdinean ekin egiten dio, prebentzio sistema propioak (barnekoak) ezartzen ditu edo kanpoko prebentzio zerbitzu espezializatuak kontratatzen ditu, edo bien arteko nahasketaren aldeko apustua egiten du.

Enpresak prebentzio modalitate egokiena aukeratu beharko du, gutxienez, langileen kopuruaren arabera, LAPLk ezartzen dituen baldintzekin bat eginez, eta ordezkarien iritziak kontuan hartuz. Azken horiek prebentzio sistemaren beraren erabakiak hartzeko prozesuan parte hartzea funtsezkoa da.

Hala ere, enpresak prebentzio planifikazio bat edo beste aukeratzen badu ere, propioa, kanpokoa edo konbinatua, erantzukizuna hartu eta inplikatu behar da nahita nahiez, enpresa bera baita prebentzioa enpresaren kudeaketaren barne sartzearen  eta prebentzio kultura zabaltzearen eta ezartzearen arduraduna, beti ere enpresaren zuzendaritzatik.

Enpresak baliabide zehatzak erabili eta prebentzioa enpresaren kudeaketaren barne sartu behar du. Horretarako enpresaren kolektibo desberdinen prebentzio zereginak definitu behar dira, baita esleitutako prebentzio organoen kideak ere.

Kanpoko prebentzio zerbitzu bat kontratatu behar bada, biziki gomendatzen da koordinatzaile, solaskide eta barne laguntza logistikoaren lanak burutuko dituen arduradun bat izendatzea, langileei galderak egin ahal izateko. Arduradun horri laneko segurtasun eta osasun arloko kontuetan parte hartzea erraztu beharko zaio.

Zuzendaritzak konpromisoa aktiboki gain hartzea funtsezkoa da eta honako hauek bezalako ekintza zehatzen bidez adierazi beharko du:

• Aldian aldiko bilerak sustatzea eta bertan parte hartzea, lan segurtasun eta osasuneko gaiak aztertzeko.
• Aldian aldiko kanpainak sustatzea, prebentzioarekiko interesa ez desagertzeko eta indarrak prebentzio planifikazioaren alderdi zehatzetan murgiltzeko.
• Lantokiak maiz bisitatzea langileekin hitz egiteko, eta konpondu daitezkeen hutsuneak dauden ala ez egiaztatzeko.
• Lan taldeak behatzea, zailak izan daitezkeen lanak burutzen ari direnean, hobekuntzak errazten dituen elkarrizketa bat ezarriz.
• Jarduera guztietan eredugarri izan, NBE erabiliz lan esparru desberdinetan sartzerakoan eta prebentzio arauak beti errespetatuz.
• Gertatutako lan istripuen kasuak ezagutzeko interesa adieraztea, inplikatutakoen osasunarengatik eta euren susperraldiarengatik.
• Istripu batek eragin litezkeen hutsuneak konpontzeagatik kezkatzea edo okerreko jokabideak istripuak berriz errepikatzeko aukera ezabatzea.
• Buruzagitza parte-hartzailea gain hartzea enpresaren kideen iritziei interesa berezia jarriz, beharrezko konfiantza sortzeko.

Zuzendaritzaren zeregina funtsezkoa da ezarritako sistema arrakastatsua izan dadin, prebentzioa eguneroko lanean sartzea erakundeko parte-hartzaile guztiei dagokien zeregina da.