Prebentzioa aurrean dugunean, Prebentzio Baliabidearen figuraren funtsezko zeregina. Nork egin ditzake funtzio horiek?

Laneko prebentzioa ezin da inoiz paperean bakarrik geratu eta are gutxiago arriskuak aldatzen diren, larriagotu daitezkeen edo aldi berean hainbat jarduera arriskutsu batera gertatzen diren egoeretan. Hori dela-eta, kasu horietarako, araudian figura espezifiko bat aurreikusten da: Prebentzio-baliabidea, segurtasun-neurriak, gehien behar direnean, behar bezala aplikatzen direla bermatzeko helburua duena.

Laneko prebentzioa ezin da inoiz paperean bakarrik geratu eta are gutxiago arriskuak aldatzen diren, larriagotu daitezkeen edo aldi berean hainbat jarduera arriskutsu batera gertatzen diren egoeretan. Hori dela-eta, kasu horietarako, araudian figura espezifiko bat aurreikusten da: Prebentzio-baliabidea, segurtasun-neurriak, gehien behar direnean, behar bezala aplikatzen direla bermatzeko helburua duena.

Legeak definizio itxirik ematen ez badu ere, Prebentzio-baliabidea esaten zaio enpresak izendatutako edo esleitutako pertsonari edo pertsonei; pertsona horiek prestakuntza, gaitasun eta bitarteko egokiak izaten dituzte arrisku-egoera jakin batzuetan prebentzio-jarduerak betetzen direla zaintzeko. Azpimarratu behar da beti prebentzio-neurri osagarria dela, eta horren presentziak ez dituela nahitaezko beste babes-neurri batzuk ordezten.

Prebentzio-baliabide bat izateko betebeharra ez dago enpresaren prebentzio-antolamenduko ereduaren mende, baizik eta araudian jasotako kasuren bat gertatzearen mende. Oro har, baliabide hori izatea eskatzen da jarduera batzuk medio arriskuak alda edo larriagotu daitezkeela ikusten bada, arriskutzat jotzen diren lanak egiten badira, arrisku bereziak dituzten egoeretan edo Lan Ikuskaritzak hala eskatzen duenean.

Prebentzio-baliabidearen egitekoa zaintza aktiboa da. Planifikatutako prebentzio-neurriak eraginkorrak eta benetako arriskuetarako egokiak direla egiaztatu behar du eta egon daitezkeen desbideratzeak edo arrisku berriak detektatu behar ditu. Ez betetzeak daudela ikusten badu, horiek berehala zuzentzeko beharrezko argibideak eman behar ditu, eta, bete gabe jarraitzen badute, enpresaburuari jakinarazi behar dizkio, neurri egokiak har ditzan.

Nork egin ditzake funtzio horiek? Enpresak idatziz egin behar du izendapena, eta langile jakin batzuk, bertako prebentzio-zerbitzuko kideak edo kanpoko prebentzio-zerbitzu bateko teknikariak izenda ditzake.

Enpresaburuak berariaz eslei diezaieke lan hori enpresako beste langile batzuei, nahiz eta prebentzio-zerbitzukoak ez izan, betiere prestakuntza egokia badute. Dena den, ezin da inolaz ere izendatu Prebentzio-baliabide gisa langile autonomo bat.

Izan beharreko prestakuntzari dagokionean, prebentzioko oinarrizko mailari dagokiona eskatzen da gutxienez, eta hori zaindu beharreko lanei, arriskuei eta prebentzio-neurriei buruzko prestakuntza espezifikoarekin osatuko da.

Prebentzio-baliabidearen figurak bere berezitasunak ditu eraikuntza-sektorean; bertan, Prebentzio-baliabidearen presentziak definituta egon behar du Segurtasun eta Osasun Planean, eta hura izendatu kontratista moduan jarduten duten enpresek egin behar dute, ez azpikontratistek.

Prebentzio-baliabidearen figura ondo erabiltzen bada, une kritikoenetan segurtasuna zuzenean kontrolatzeko aukera sortzen da, arriskua benetakoa eta aldakorra den lekuetan prebentzioa indartzearekin batera. Era horretan, segurtasuna handitu daiteke ezinbestekoa den uneetan.