Ba al zenekien langileei ezin zaiela lanari berriro ekiteko eskatu arrisku larri edo berehalako baten aurrean?

Laneko Arriskuen Prebentzioari (LAP) buruzko araudiaren funtsezko printzipioa da langileen osotasuna eta segurtasuna babestea. Ildo horretan, langileek duten berme garrantzitsuenetako bat da lan-jarduera eteteko eskubidea, arrisku larria edo berehalakoa baldin bada. Eskubide horrek, pertsonen bizitza eta osasuna babesteaz gain, segurtasun-kultura sustatzen du lan-ingurunean.

Laneko Arriskuen Prebentzioari (LAP) buruzko araudiaren funtsezko printzipioa da langileen osotasuna eta segurtasuna babestea. Ildo horretan, langileek duten berme garrantzitsuenetako bat da lan-jarduera eteteko eskubidea, arrisku larria edo berehalakoa baldin bada. Eskubide horrek, pertsonen bizitza eta osasuna babesteaz gain, segurtasun-kultura sustatzen du lan-ingurunean.

Noiz uste da arriskua larria edo berehala gertatzeko modukoa dela? Kalte potentziala larria izan daitekeenean, osasunari kalte eginez edo bizitza arriskuan jarriz eta kaltea gertatzeko berehalako aukera dagoenean, itxaroteko tarterik gabe.

Langileek arrisku larriko edo berehalako egoera bat identifikatzen dutenean, honela jokatu behar dute:

1. Jarduera eten: araudiak debekatu egiten du lanari ekiteko eskatzea arriskuak irauten duen bitartean.
2. Laneko lekutik alde egin: langileek arrisku-eremutik irten daitezke, enpresak zehapenik edo errepresaliarik jarri gabe.
3. Berehala informatu: identifikatutako  arriskuaren berri eman behar diote nagusiari edo segurtasun-arduradunari, berehalako neurriak har ditzaten.

Bestalde, enpresaburuak betebehar hauek izango ditu:

• Arriskua ebaluatzea eta ezabatzea: behin identifikatuta, arriskua ezabatzeko edo kontrolatzeko berehalako neurriak hartu behar ditu.
• Jarduera geldiaraztea, beharrezkoa bada: muturreko kasuetan, lana eteteko agindu behar du, pertsona guztien segurtasuna bermatzearren.
• Prestakuntza eta informazioa bermatzea: langileek prestatuta egon behar dute arriskuak identifikatzeko eta jarraitu beharreko prozedurak ezagutzeko.

Enpresaburuak langileen segurtasuna eta osasuna bermatzeko beharrezko neurriak hartzen ez baditu edo hartzen uzten ez badu, plantillaren legezko ordezkariek, gehiengoz, erabaki ahal izango dute arrisku horrek eragindako jarduera geldiaraztea. Langileen ordezkaritza-organoa premiaz biltzea ezinezkoa denean, erabakia hartu ahal izango da Prebentzio Ordezkarien gehiengoarekin.

Erabaki horren berri emango zaio berehala enpresari eta lan-agintaritzari. Agintaritzak, hogeita lau orduko epean, geldiaraztea deuseztatu edo berretsiko du.

Eskubide hori unibertsala da: langile guztiek dute arrisku larri edo berehalako baten aurrean beren burua babesteko ahalmena, izan banaka edo kolektibo gisa. Segurtasuna ezin da negoziatu. Langileak babestea legezko betebeharra da.