Etxeko igerilekuak eta haurrak. Itxurakeria gutxiago, segurtasun gehiago

Uda iristen denean, etxean igerileku bat izatea zoragarria da. Beroari aurre egiten laguntzen du, erlaxatzeko eta ariketa fisikoa egiteko aukera ematen du eta haurrak urarekin jolasean dibertitzen dira. Baina arriskuak ere baditu eta arrisku horiek ezagutu egin behar dira. Arrisku horiei aurre hartu behar zaie eta itotzea saihesten lagunduko duten neurriak hartu behar dira.

Uda iristen denean, etxean igerileku bat izatea zoragarria da. Beroari aurre egiten laguntzen du, erlaxatzeko eta ariketa fisikoa egiteko aukera ematen du eta haurrak urarekin jolasean dibertitzen dira. Baina arriskuak ere baditu eta arrisku horiek ezagutu egin behar dira. Arrisku horiei aurre hartu behar zaie eta itotzea saihesten lagunduko duten neurriak hartu behar dira.

Prebentziozko lehen neurria haurrak etengabe eta gertutik ikuskatzea da, igerilekuan daudenean, batez ere uraren barruan daudenean. Inoiz ez dira bakarrik utzi behar adingabeak igerilekuan, igerian badakiten arren. Beti gerta daitezke erorketak, kolpeak, zorabioak edo konorte-galerak. Zaintza eta kontrol iraunkorra oinarrizkoak dira.

Heldu bat baino gehiago badago, ikuskapenaren arduradun bat aldez aurretik finkatzea gomendatzen da, txandakatuz joan daitekeena. Izan ere, haurrak zaintzen  ari direnak besteak direla pentsatzean eror daiteke eta azkenean, inor ere adi ez egotea. Horrela, arduradunak atsedenaldi bat hartzen duenean, beste pertsona batek hartuko du txanda eta hark jakingo du zaintza orain berari dagokiola.

Zaintzaren ardura duen pertsonak adi egon behar du eta une oro begiratu behar die haurrei. Ez da uretatik urrun egon behar, behar izanez gero haurrak azkar harrapatzeko. Eta denboraren nozioa galtzea eragiten duten telefono edo irakurketekin distraitzea saihestu behar du.

Haurrek igeri egiten oraindik ez badakite eta flotatzen lagunduko dieten elementuak behar badituzte, txalekoa jarri behar zaie. Gerri zorroak eta flotagailuak ez dira seguruak, irauli egin baitaitezke eta haurra burua uretan sartuta geratzea eragin baitezakete.

Igerilekurako sarbidea kontrolatu behar da erabiltzen ez denean; horregatik, komenigarria da haurrei deskuidu batean igerilekura sartzea eragotziko dieten hesiak jartzea. Adi egon arren, segundo batzuetan ihes egin dezakete. Irekita geratzen den ate edo leiho batetik irten daitezke etxetik.

Igerilekuaren inguruan hesi bat jartzeak, itxitura aseguruekin eta norbait sartzen saiatzen ari dela ohartarazten duten alarmekin, ustekabeko edozein zorigaitz saihestuko du. Hesiak ez du euskarri-punturik izan behar oinak sartu eta eskalatu ez dezaten.

Listoiek elkarrengandik oso tarte txikia izan behar dute, elkarren artean bermatu edo sar ez daitezen eta kisketak altuera handi samarrean egon behar du, haurrak bertara irits ez daitezen. Itxitura automatikoa badu, are hobeto. Askatzean automatikoki ixten diren ateak dira egokienak, deskuiduan irekita gera ez daitezen.

Segurtasun pasiboko elementuek, hala nola perimetro-alarmak eta urperatze-alarmak, lagundu egiten dute, haurra uretara eroriz gero, gertaera ez dadin oharkabean pasa. Azkar jardun ahal izateko, hala badagokio, oinarrizko erreskate-ekipo bat eduki behar da beti eskura, sokadun salbamendu batekin eta pertika batekin.

Ez utzi hesitik gertu haurrei igotzeko balio diezaieketen objektuak, hala nola altzariak edo jostailu handiak. Gainera, jostailuak eta erabili ondoren koltxonetak edo flotagailuak jasotzea komeni da, haurraren arreta piztu ez dezaten eta horrela, hartu nahi izatea saihesteko.

Zenbat eta lehenago irakatsi haurrei flotatzen eta igeri egiten, orduan eta hobeto. Komeni da, halaber, etxean bizi direnek lehen sorospenetan prestakuntza jasotzea eta bihotz-biriketako bizkortzea ikastea, baita larrialdietarako telefonoak ezagutzea ere.

Prebenitzea inoiz ez dago lekuz kanpo eta etxean igerileku bat izanez gero, prebentzio-neurriak zorroztea ia nahitaezkoa da. Argibide hauek jarraituz gero, arazorik gabe gozatu ahal izango duzu zure igerilekuaz. Uda zoriontsua izan dezazula!