Pertsonen osasunerako arriskutsuak dira tenperatura baxuak. Zer egin daiteke pertsona batek hotz edo hipotermia handia duenean?
Bizitza seguruak
Hipotermia gertatzen da gorputza orokorrean hozten denean; hau da, pertsona baten barne-tenperatura 35 °C-tik behera jaisten denean. Orduan, erreakzio fisiologiko eta psikologiko batzuk gertatzen dira, bero-trukea erregulatzeko mekanismoen desoreka dela-eta, eta osasunerako arriskua sortzen da. Garrantzitsua da berehala jardutea, konplikazio larriak gerta ez daitezen. Baina, zer egin daiteke?
Hipotermia gertatzen da gorputza orokorrean hozten denean; hau da, pertsona baten barne-tenperatura 35 °C-tik behera jaisten denean. Orduan, erreakzio fisiologiko eta psikologiko batzuk gertatzen dira, bero-trukea erregulatzeko mekanismoen desoreka dela-eta, eta osasunerako arriskua sortzen da. Garrantzitsua da berehala jardutea, konplikazio larriak gerta ez daitezen. Baina, zer egin daiteke?
Gorputza pixkanaka hoztearekin, gaitasun mentala eta lan fisikorako gaitasuna erabat murrizten dira. Horrela, nahasmendu mentaleko egoerak eta nahasmenduak sortzen dira judizioan, eta pertsona ez da gai egoerak duen arriskua antzemateko. Hori dela-eta, beharrezkoa da laguntza ematea hotz-giro horretatik ateratzeko eta pertsonari suspertzen lagunduko dioten neurriak hartzeko.
Gorputza hoztearen kasu larrienetan, konorterik eza eta gorputzeko funtzio gehienen paralisia ez ezik, bihotz-biriketako funtzioak erabat murriztea ere gerta daiteke. Eta barne-tenperatura 28 °C-ra jaisten bada, bihotz-fibrilazioa izateko arrisku handia dago.
Hortaz, tenperatura baxuak arrisku handia dira pertsonen osasunerako, eta beharrezkoa da behar bezalako neurriak hartzea hotz-egoeren aurrean jartzerakoan. Gainera, badaezpada, pertsona batek hiportemia izanez gero, garrantzitsua da azkar nola jardun jakitea, konplikazio larriak gerta ez daitezen.
Ondorioz, pertsona berotzeko eta gorputzeko bere tenperatura ahalik eta azkarren berreskuratzen laguntzeko har ditzakezun neurri batzuk emango dizkizugu:
– Eduki pertsona babestuta. Bildu mantekin edo arropa lehor eta beroarekin, gorputzeko beroa gehiago gal ez dezan.
– Bilatu aterpe bero bat. Eraman kaltetutako pertsona leku bero batera, haizerik eta hezetasunik ez dagoenera.
– Pertsona bustita badago, arropa bustia kendu eta arropa lehorrak jarri behar dizkiozu, edota manta edo ehun lehorrekin estali.
– Pertsonaren gorputza pixkanaka berotu behar duzu. Bero epela eta graduala aplikatu behar diozu, manta termikoak, ur beroko botilak edo konpresa epelak jarriz besapeetan, lepoan, bularrean eta iztartean.
– Edateko eskaini likido beroak. Pertsona kontziente badago eta modu seguruan irentsi badezake, eskaini zopa edo edari beroak, gehiegi ez bada ere, barrutik berotu ahal izateko. Ez eman alkohol eta kafeinarik, egoera oker dezakete-eta.
– Ez jarri beroa zuzenean, bero handiko iturrien bidez, azalean erredurak eragin diezazkiokeelako; izan ere, pertsonak ez du sentikortasunik bere gorputz-adarretan, eta ez duenez bero handia sentituko, bero-iturritik ez da garaiz erretiratuko.
– Ez igurtzi gorputz-adarrak, kaltegarria izan daiteke-eta. Larruazalean kalteak eragin diezazkioke eta bero-galera areagotu, odol hotzeko zirkulazioa gorputzaren nukleorantz handitzean.
– Bilatu arreta medikoa. Hipotermia larria bada edo pertsonak nahasmendua, letargia, arnasa hartzeko zailtasuna edo konorte-galera erakusten badu, eskatu laguntza medikoa berehala. Hipotermia sakona duten biktimak berriz berotzeko eta errekuperatzeko lanak ospitale batean egin behar dira langile espezializatuekin.
