Ba al zenekien autoaren atea ‘holandar eran’ irekitzeak istripuak ekidin ahal dituela? Zertan datza maniobra hau?
Ba al zenekien
Hainbat pertsonari, “atea holandar eran irekitzea” adiera entzutean ohiko traje holandarra soinean jantzita egin beharreko praktika arrotzen bat bururatzen bazaio ere, ez du inolako zerikusirik horrekin, dibertigarria edo originala litzatekeela pentsa dezakegun arren. J
Adierazpen hau autoaren ateak zabaltzeko teknika seguruago bat aipatzeko erabiltzen da, eta istripu ugari ekiditeko balio ahal du. Gure herrialdean teknika hau ez da Herbehereetan bezain ezaguna (hortik izenaren jatorria) eta bere hirietan barrena hain sarritan bizikletaz lekualdatu ohi diren txirrindulariak babesteko erabiltzen dute.
Autotik irtetera goazenean, atea bat-batean zabaltzen badugu agian bideko beste erabiltzaile batek haren kontra talka egin lezake, lesio larriak eraginez, batik-bat erabiltzaile zaurgarrienen kasuan.
Baina teknika hau ez da baliagarria soilik bidean zehar doazen txirrindulariak eta erabiltzaileak babesteko, aitzitik, autotik jaisten diren bidaiarientzat ere bada, izan ere, errei iraunkorretik doan beste auto batek harrapa ditzake. Gehienbat, atzeko eserlekuetako bidaiariek atzerako ispilurik ez dute eskura izaten ibilgailuren bat hurbiltzen ari zaien ikusi ahal izateko.
Zertan datza maniobra honek?
Kontua da autoko atea gure aldearekiko aurkako eskuarekin zabaltzea, atearekiko urrunen geratzen den eskua erabiliz. Adibidez, ezkerraldetik atera nahi badugu heldulekua eskuineko eskuarekin heldu behar dugu eta eskuinaldetik ateratzeko aldiz, ezkerreko eskuarekin helduko diogu.
Txorakeria bat eman dezake, baina keinu hau egiteko ibilgailuko bidaiariak enborra eta lepoa erabat biratu behar ditu, bere begirada sorbaldaren gainetik autoaren atzealderantz zuzendu behar izanik. Keinu sinple horrek gurearen albotik zirkulatzen doan auto baten hurbiltasuna hobeto atzemateko aukera ematen digu, halaber angelu-itsua ezabatuz.
Modu hain sinple honetan askoz hobeto kontrola daitezke gurera hurbiltzen diren autoak eta atea une desegokian irekitzea ekiditen dugu, istripu bat gertatzea saihestuz.
Herbehereetan, teknika hau gidatzen ikastera joatean, auto-eskoletan irakasten den praktika ospetsu bat da. Hemen, askotan praktikatzen saiatu behar gara, ohitura bihur dadin arriskuak ezabatze aldera.
