Erakunde batean erantzukizun-giroa sortzeko 9 ekintza giltzarri

Erakunde baten erantzukizun-giroa hainbat aldagaik zehazten dute. Erakunde batek bere erantzukizun-giroa indartu eta hobetu nahi badu, arduradunek jarrera aktiboa hartu eta hori lortzen laguntzeko ekintzak sustatu beharko dituzte. Jakin nahi duzu nola? Hona hemen hori sortzen lagunduko duten 9 ekintza.

Erakunde baten erantzukizun-giroa hainbat aldagaik zehazten dute. Erakunde batek bere erantzukizun-giroa indartu eta hobetu nahi badu, arduradunek jarrera aktiboa hartu eta hori lortzen laguntzeko ekintzak sustatu beharko dituzte. Jakin nahi duzu nola? Hona hemen hori sortzen lagunduko duten 9 ekintza.

Aurrean jada aipatu dugun moduan, erantzukizuna da prebentzio-kulturaren osagai garrantzitsuenetarikoa. Baina erantzukizuna ez da liderrek soilik onartu eta eraiki behar duten kontzeptua, baizik eta erakundeko kide guztiak barne hartzen dituen zerbait izan behar du.

Helburua da erantzukizun globaleko giro ona sortzea, pertsona guztiak taldearen segurtasunaren partaide izan daitezen. Baina, nola lortu hori? Hemen dituzu hori indartzen lagunduko duten bederatzi gako.

1. Lidergo parte-hartzailea hartzea eta arreta berezia eskaintzea erakundeko kide guztien iritziei. Langileen iradokizunen, eskaeren eta kexen aurrean jarrera harkorra izatea. Entzute aktiboa tresna onena da beharrezko konfiantza-giroa sortzeko.
2. Konfiantza-giroa sortzea. Kide guztien arteko komunikazioa arina izatea. Gardentasunak, osotasunak eta diskurtsoaren eta ekintzen arteko koherentziak beharrezko konfiantza sortzen laguntzen dute, langileek segurtasun-gaien inguruan beren ikuspegia eman ahal izateko.
3. Iradokizunak onartzea eta horiei esker lortutako emaitza onak zabaltzea. Ondorioz, langileak entzunak, parte-hartzaileagoak eta garrantzitsuagoak sentitzen dira, eta are gehiago inplikatzen dira enpresaren segurtasunean eta ongizatean.
4. Jarduera guztietan adibidea ematea, NBE espezifikoak erabiliaz lan-eremu ezberdinetara jotzean, eta betiere prebentzio-arauak errespetatuz.
5. Pertsona bakoitzak arduraz joka dezan sustatzea. Pertsona batek arduraz jokatzen duenean, gainerako pertsonak gauza bera egitera gonbidatzen ditu.
6. Errefortzu positiboa egitea, jarduera segurua izan dadin kontuan izan beharreko elementuak egiaztatzeari erreparatuta. Jokabide desegokiak zuzentzea, beste aukera seguruago batzuk eskainiz. Zuzendariek egoera bakoitzean jarduteko marjinak ezagutu behar dituzte eta langileak norabide egokiak orientatu, modu seguruenean jardun dezaten.
7. Errietak edo zigorrak ez erabiltzea hobekuntza-tresna gisa, jarduteko marjina libreak baizik, alternatibak eta horien esplorazioa bultzatzen dutenak, ez baitago geldialdirik, zehapenekiko beldurrarengatik. Erantzukizuna behar bezala kudeatu behar da, esker on edo aintzatespenera bideratuta, horrek lagunduko baitu langileek intzidenteen berri modu zintzoagoan eman dezaten, eta, horrela, erantzukizun-giro errealagoa ezarriko da.
8. Lanak eta jarduerak prebentzio-neurri handienekin egiten direla egiaztatzea. Lantokiak maiz bisitatzea, langileekin hitz egiteko, eta hobekuntzak erraztuko dituen elkarrizketak ezartzea. Laneko segurtasunari eta osasunari buruzko gaiak lantzeko aldizkako bilerak sustatzea eta horietan parte hartzea.
9. Prestakuntza bultzatzea. Langileei prebentziozko prestakuntza eta heziketa ematea, erantzukizun-giroa errazteko, arrisku larriak dauden egoeretan lehentasuna izan dadin prebentzio-neurriak eta jokabide kontserbadoreak hartzea, bestelako jokabide batzuen aurrean.