Ba al zenekien enpresak laneko istripu guztien berri eman behar duela?
Ba al zenekien
Laneko istripuak edozein enpresa, sektore edo jarduera motatan gerta litezke, arinak, larriak, oso larriak edo hilgarriak izanik. Kasu guztietan eta nolanahikoak direla ere, enpresak ardura izango du eskumeneko laneko agintaritzari horien berri emateko. Zergatik edo zertarako?
Istripu guztien berri edo parte eman behar da, istripuaren ekintza azpimarragarrienetarako izaera unibertsaleko kodeak deskribatuz edo erabiliz, izan ere, agintaritzak datu horiek bilduko ditu, bai ikerketaren garapenerako eta bai enpresa, sektore edota jarduera horretan arrisku faktore nagusienak zeintzuk diren ezagutzea ahalbidetuko duen ondorengo analisi estatistiko baterako.
Zer da enpresak jakinarazi behar duena? Laneko istripua eta osasun bajarik gabe gertatutako lan-istripuen zerrenda.
Nola jakinarazi behar ditu enpresak laneko istripuak? Bide elektronikoaz, Lan Istripuen Deklarazio Elektronikoaren Sistema (Delt@) dela medio.
Enpresak dokumentu ofiziala bete behar du laneko istripu bat gertatzean edota langilea egun bat baino gehiagoz lanpostura ez etortzea suposatzen duen birgaixotzea jazotzean, aurretiko osasun baja lagun, istripua jasandako eguna kontatu gabe.
Jakinarazpenerako epea aldatu egiten da istripu motaren arabera. Osasun bajarik gabeko lan istripu bat hurrengo hilabeteko lehenengo 5 lanegunetan jakinarazi beharko da. Lan-istripu arin bat osasun baja jaso denetik hurrengo 5 egunetan. Eta istripua larria, oso larria, aniztuna (4 langile baino gehiago) edo hilgarria izaten bada, 24 ordu baino lehen jakinarazi beharko da.
Baina ez dezagun ahaztu bere langileek jasan dezaketen edonolako istripuren berri emateaz gain, enpresariak beti langileen segurtasuna eta osasuna bermatu behar dituela, lanarekin lotutako alderdi guztietan.
Prebentzioa enpresaren barne hartzeak eta langileen segurtasuna eta osasuna babesteko behar adina neurri hartzeak eratzen dute, azken finean, istripuak ezabatu nahiz murrizteko biderik egokiena.
